Entrevista Luigi Faneyte

Luigi Faneyte​

Sr. Luigi Faneyte a nase na Kòrsou. Ku su 18 aña el a kaba 6 vwo na Radulphus College i a bai Hulanda pa sigui su estudio di Bedrijfseconomie (Accountancy/Controller i Organisatie & Strategie) na Katholieke Universiteit Brabant, entre tantu Tilburg University. Despues di su estudio sr. Faneyte a traha na Algemene Rekenkamer Nederlandse Antillen, Algemene Rekenkamer Curaçao, Algemene Rekenkamer Nederland i Rekenkamer Den Haag. Na tur el a traha 14 aña den mundu di kontrol finansiero di gobièrnu kaminda el a kontrolá èks isla Kòrsou, èks isla Bonaire, èks Pais Antias Hulandes, Pais Kòrsou, Pais Hulanda i munisipio Den Haag. Banda di esei sr. Faneyte a bishita Kontraloria General di Repúblika di Colombia I Kontraloria General di Aruba. Sr. Faneyte tin e títulonan di doctorandus i master òf science den Ekonomia i ta sertifiká komo “fraud examiner”, “internal controls auditor” i “controls specialist” i ta sertifikando komo “internal auditor” i “public accountant”. Aktualmente sr. Faneyte ta un empresario individual eksitoso i ta brinda servisio den audit, business consultant i financial reporting na empresanan chikí i mediano.

Send a Message to the Candidate

    Sponsored by